Պոմպեոն Հունաստանի ԱԳՆ–ին հղած հաղորդագրության մեջ դատապարտել է Թուրքիայի գործողությունները Միջերկրական ծովում

ԱՄՆ պետքարտուղար Մայք Պոմպեոն նամակ է հղել Հունաստանի արտաքին գործերի նախարար Նիկոս Դենդիասին՝ ԱՄՆ–ի աջակցությունը հայտնելով Հունաստանի դիրքորոշմանը Արևելյան Միջերկրական ծովում և դատապարտելով Թուրքիայի գործողությունները: Այս մասին հայտնում է Աթենքի մակեդոնական լրատվական գործակալությունը (AMNA). հայտնում է ՏԱՍՍ-ը:

ԱՄՆ պետքարտուղարը Դենդիասի նամակից ընդամենը մի քանի օր անց, որում նա մանրամասն նկարագրում էր Թուրքիայի վերջին անօրինական և սադրիչ գործողությունները, պատասխան հաղորդագրություն է ուղարկել: Դրանում Պոմպեոն շեշտել է, որ «Հունաստանը տարածաշրջանում կայունության հիմնասյուն է», նաև նշել, որ «ԱՄՆ-ը դատապարտում է» շարունակվող թուրքական հետախուզական գործողությունները Հունաստանի իրավասության ենթակա տարածքներում»: ԱՄՆ պետքարտուղարը հավելել է, որ այդ միակողմանի գործողությունները միայն հանգեցնում են տարածաշրջանում լարվածության աճին, ապա շեշտել, որ սպառնալիքները, վախեցնելու և հարկադրանքի փորձերը և ռազմական գործողությունները չեն վերացնի լարվածությունը Արևելյան Միջերկրական ծովում: