Ֆրանսիան ֆրեգատ է ուղարկել Միջերկրական ծով, որտեղ սրվել են Թուրքիայի և Հունաստանի միջև հարաբերությունները

Ֆրանսիան անհանգստացած է Հունաստանի և Թուրքիայի միջև հակամարտությունից և Lafayette ֆրեգատ ու կործանիչներ է ուղարկում է Արևելյան Միջերկրական ծով:

Աթենքի և Անկարայի միջև հարաբերությունները սրվել են Միջերկրական ծովում բնական պաշարները արդյունահանելու թուրքական ծրագրերի պատճառով: Հունական զորքերը մեծ զգոնության են բերվել՝ ի պատասխան թուրքական բանակի նման գործողությունների:

Ֆրանսիան մտահոգված է կոնֆլիկտից, ակնկալում է պահպանել վերահսկողությունը իրավիճակի վերաբերյալ՝ տարածաշրջան ուղարկված ռազմական տեխնիկայի օգնությամբ:

Ավելի վաղ Հունաստանի արտգործնախարար Նիկոս Դենդասը կոչ էր արել Թուրքիային անհապաղ դուրս բերել իր նավերը հունական ծովային շելֆերից: Արտաքին գործերի նախարարի խոսքով՝ Աթենքը խնդրել է ԵՄ արտգործնախարարներին արտակարգ հանդիպում անցկացնել Միջերկրական ծովում Անկարայի գործողությունների վերաբերյալ: