Բոլոր խնդիրների հիմքում Թուրքիան է․ Հունաստանի ԱԳՆ

Հունաստանի արտաքին գործերի նախարար Նիկոս Դենդիասն հայտարարել է, որ «Թուրքիան հանդես է գալիս որպես տարածաշրջանում խաղաղություն և կայունություն խախտող»:

Երեկ՝ Լյուքսեմբուրգում Եվրամիության անդամ երկրների արտգործնախարարների հանդիպումից հետո, Նիկոս Դենդիասը հանդես է եկել հայտարարությամբ, որում ասվում է. «Այսօր ես իմ գործընկերներին տեղեկացրել եմ Հունաստանի մայրցամաքային շելֆում Թուրքիայի նոր ապօրինի գործողությունների մասին: Ես նաև բացատրեցի ակնհայտը: Տարածաշրջանի բոլոր խնդրահարույց իրավիճակները՝ Լեռնային Ղարաբաղը, Սիրիան, Իրաքը, Լիբիան, Կիպրոսը, Արևելյան Միջերկրական ծովը, մեկ ընդհանուր բան ունեն: Այդ ընդհանուր հայտարարը Թուրքիան է: Թուրքիան գործում է որպես տարածաշրջանում խաղաղություն և կայունություն խախտող՝ հակառակ միջազգային իրավունքին, հակառակ Եվրոպայի խորհրդի բոլոր եզրակացություններին»։