Թուրքիայի ԱԳՆ-ն ասում է, որ Ադրբեջանը Հայաստանին վերջին շանսն է տվել

Թուրքիայի ԱԳՆ-ն հայտնում է, որ Ադրբեջանը հայտարարել է` թեև հրադադարը կարևոր քայլ է, այնուամենայնիվ, այն մշտական լուծում չէ։ Հայտարարության մեջ նշվում է, որ Ադրբեջանը Հայաստանին «դուրս գալու» վերջին շանսն է տվել։

Թուրքիայի ԱԳՆ-ն հայտնում է, որ Ադրբեջանը կարողացել է ամբողջ աշխարհին ցույց տալ, որ ունակ է «իր» հողերը «սեփական» ուժերով վերցնել։

Թուրքական գերատեսչությունը մոռացել է իր հայտարարության մեջ նշել ադրբեջանական բանակում Թուրքիայի ուղարկած վարձկան-ահաբեկիչների և թուրքական ներկայության մասին։ Թուրքիան դարձյալ նշել է, որ Ադրբեջանի կողքին է։

Հետաքրքրական է, որ Մնացականյան-Լավրով-Բայրամով հանդիպումից հետո Ջեյհուն Բայրամովը զանգահարել է Մևլյութ Չավուշօղլուին։ Այս հայտարարությունից այնպիսի տպավորություն է ստացվում, որ Ադրբեջանն այլև չունի սեփական ԱԳՆ, իսկ սեփական մտքերն արտահայտում է թուրքական գերատեսչության միջոցով։