«Կրիր դիմակ, փրկիր կյանքեր». աբելյանցիների նախաձեռնությունը

Վանաձորի Հովհաննես Աբելյանի անվան պետական դրամատիկական թատրոնը օրերս իրականացրեց «Կրիր դիմակ, փրկիր կյանքեր» ֆլեշմոբը։ Հատկանշական է, որ դիմակների վրա պատկերված էր թատրոնի լոգոն։

«Աբելյանցիները բոլորին հորդորում են դիմակ կրել և հետևել ՀՀ առողջապահության նախարարության կողմից սահմանված կանոններին, որպեսզի միասնական կամքով և հետևողականորեն կարողանանք հաղթահարել աշխարհը պատուհասած չարիքը»,-  մեզ հետ զրույցում ասաց թատրոնի մարքեթինգի գծով փոխտնօրեն, դերասան Թաթուլ Բոստանչյանը։ Նա նաև հավելեց, որ այս օրերին շատ կարևոր է սոցիալական բարձր պատասխանատվություն ունենալ և առավելագույն չափով հոգատար լինել միմյանց նկատմամբ։