Ռոբերտ Քոչարյանի դատավարությունը կարող է բարդացնել Մոսկվայի և Երևանի միջև հարաբերությունները

Մարտի 3-ին Երևանի դատարանը չկարողացավ որոշում կայացնել ՀՀ նախկին նախագահ Ռոբերտ Քոչարյանի պաշտպանական խմբի միջնորդության վերաբերյալ, որը պահանջում էր փակել քրեական գործը: Դատավորը դադար վերցրեց «քննելու գործի բոլոր հանգամանքները և ապացույցները»: Սահմանադրական կարգը տապալելու մեջ մեղադրվող նախկին նախագահի փաստաբաններն ու հարազատները պատրաստ են, որ դիմումը մերժվելու է, իսկ գործընթացը, որը սկսվել է գրեթե երկու տարի առաջ, կշարունակվի ևս մի քանի տարի: Ինչպես գրում է kommersant.ru-ն, Ռոբերտ Քոչարյանի հետապնդման թեման, ում հետ ընկերությունը չի թաքցնում ՌԴ նախագահ Վլադիմիր Պուտինը, դառնում է ռուս-հայկական հարաբերությունների առանցքային գրգռիչներից մեկը:

Ինչպես հաղորդում է աղբյուրը, Ռոբերտ Քոչարյանի դեմ հարուցված գործը բացառապես Հայաստանի ներքին գործ չէ: Մոսկվան ամենասկզբից ուշադիր հետևում է քաղաքական գործչի հետ կապված գործընթացին, ում հետ սերտ բարեկամական հարաբերությունների մեջ է Ռուսաստանի նախագահ Վլադիմիր Պուտինը: Երբ գործընթացը սկսվեց 2018 թ.-ին, Ռուսաստանի արտգործնախարար Սերգեյ Լավրովն ասաց, որ նման գործողությունները «հակասում են Հայաստանի նոր ղեկավարության հայտարարություններին, համաձայն որոնց ինքը մտադրություն չունի քաղաքական նկատառումներով կազմակերպել իր նախորդների հետապնդումները»:

Մանրամասները՝ սկզբնաղբյուր կայքում: