Լա Մանշ նեղուցում ապօրինի նեգաղթյալներով նավեր են գտել

Կիրակի բրիտանական սահմանապահները Լա Մանշ նեղուցում 39 միգրանտով չորս նավ են կանգնեցրել, որոնք փորձել են հասնել Միացյալ Թագավորության ափերը. ըստ Yerkir.am-ի՝ հայտնում է Evening Standard-ը՝ ներքին գործերի նախարարության ներկայացուցչի խոսքերին հղումով:

Բրիտանիայի ՆԳՆ ներկայացուցչի խոսքով՝ բոլոր ձերբակալվածները ներկայացրել են որպես Իրանից գաղթածներ: Ըստ նրա՝ միգրանտները բուժզննում են անցնելու, այնուհետև նրանց հանձնելու են Դուվրի միգրացիոն ծառայության աշխատակիցներին:

Ապօրինի միգրանտները հաճախ ցանկացած հնարավորություն օգտագործում են Լա Մանշն անցնելու և Մեծ Բրիտանիայում հայտնվելու նպատակով: Թագավորությունում նրանց գրավում են սոցիալական ծրագիրը, փախստականի կարգավիճակը, ինչպես նաև ֆինանսական օգնություն ստանալու բազմազան հնարավորությունները: