Սան Ֆրանցիսկոյի ափերի մոտ «ուրվական նավեր» են հայտնվել

Սան Ֆրանցիսկոյի ափերի մոտ «ուրվական նավեր» են հայտնվել, որոնք շարժվել են տարօրինակ շրջանաձեւ երթուղիով, սակայն իրականում այդ շրջանում նավեր չեն եղել. այս մասին գրում է Planet-today-ը, նշելով՝   առեղծվածային ուրվական նավերը հայտնաբերել է ծովային պահակային ընկերությունների մասնագետ Բյոռն Բերգմանը։

Մասնավորապես, Բերգմանը պատմել է 9 նավերից եկող ազդանշանների մասին, որոնք լսվել են Սան Ֆրանցիսկոյի ափերի մոտ, սակայն իրականում այդ շրջանում նավեր չեն եղել:

Աերոտիեզերական տեխնիկայի և ինժեներական մեխանիկայի ոլորտում մասնագետ Թոդ Համֆրիսն այս առնչությամբ հայտարարությամբ է հանդես եկել, նշելով՝ երևույթի պատճառը կարող է պարզ լինել. նավերի սեփականատերերը կարող էին GPS-սփուֆինգ օգտագործել. դրանք այն տեխնոլոգիաներն են, որոնք ստեղծված են նավի իրական կոորդինատները թաքցնելու համար: