«Գուգարք» ճամբարի երեխաները մասնակցել են ականային վտանգի իրազեկման դասընթացների

«Հումանիտար ականազերծման և փորձագիտական կենտրոն»-ի մասնագետները հուլիսի 23-ին Ականային վտանգի իրազեկման դասընթացներ և գործնական պարապմունքներ են իրականացրել Լոռու մարզի «Գուգարք» ճամբարում:

«Հումանիտար ականազերծման և փորձագիտական կենտրոն»-ի հասարակայնության հետ կապերի ծառայությունից հայտնեցին, որ պայմանական պայթյուն է տեղի ունեցել, երեխաները ծանոթացել են անվտանգ վարքագծի կանոններին:

«Հումանիտար ականազերծման և փորձագիտական կենտրոն»-ի ամենամյա դարձած ամառային ճամբարը մեկնարկել է հուլիսի 15-ից: Այս տարի ճամբարին մասնակցում են Սյունիքի, Տավուշի և Շիրակի մարզերից ներգրավված 42 դպրոցականներն ու կենտրոնի 6 կամավորները: Ականային վտանգի իրազեկման դասընթացները կազմակերպվում են ճամբարում հանգստացող բոլոր երեխաների համար: Այս անգամ միջոցառմանը մասնակցել են նաև Արցախի տարբեր շրջաններից եկած դպրոցականները: «Հումանիտար ականազերծման և փորձագիտական կենտրոն»-ի կազմակերպած ճամբարի հիմնական նպատակն իրազեկվածության մակարդակի բարձրացումն է: