Իտալիայի որոշումն օրենքի ուժ չունի. Չավուշօղլու

Թուրքիայի արտաքին գործերի նախարար Մևլութ Չավուշօղլուն իր թվիթերյան էջում անդրադարձել է երեկ Իտալիայի Պատգամավորների պալատի կողմից ընդունված` Հայոց ցեղասպանության վերաբերյալ բանաձևին. հաղորդում է «Անադոլու» գործակալությունը:

«Պատմությունը սևացնող այլ փորձերի նման Իտալիայի Պատգամավորների պալատի այս որոշումը օրենքի ուժ չունի:  Անընդունելի է, որ Իտալիայի խորհրդարանի այլատյաց «Լիգա» կուսակցությունը ԵԽ ընտրություններում իր քվեն շատացնելու համար նման խաղ է բեմադրել»,- գրել է նա:

Նշենք, որ երեկ Իտալիայի Պատգամավորների պալատը 382 կողմ, 43 ձեռնպահ, 0 դեմ ձայներով ընդունեց բանաձև, որով կոչ է արվում Իտալիայի կոալիցիոն կառավարությանը` պաշտոնապես ճանաչել Հայոց ցեղասպանությունը և խնդրին տալ միջազգային գնահատական: