Լյովա Երանոսյանը փորձել է հանդիպել ու ներողություն խնդրել. Սասուն Միքայելյան

Իշխանափոխությունից հետո ՀՀ նախկին փոխոստիկանապետ Լևոն Երանոսյանը փորձել է հանդիպել Սասուն Միքայելյանի հետ. այս մասին խորհրդարանում լրագրողների հետ զրույցում հայտարարեց «Ելք» խմբակցության պատգամավոր Սասուն Միքայելյանը։ Նրա պնդմամբ՝ Երանոսյանը փորձել է հանդիպել, որպեսզի ներողություն խնդրի: «Մի անգամ փորձել է, բայց չստացվեց: Նույն բախտին արժանացավ: Ուզեցել է, որ հաշտվենք, բայց ես չեմ ուզել»,- ասաց պատգամավորը:

Հիշեցնենք, որ Նիկոլ Փաշինյանի, Արարատ Միրզոյանի և Սասուն Միքայելյանի ձերբակալման օրը Երանոսյանի և Միքայելյանի միջև վեճ էր տեղի ունեցել: Երկու կողմից հայհոյանք էր հնչել, որից հետո Միքայելյանը ջրի շիշը նետել էր Երանոսյանի վրա: