Սա Դաշնակցությունն է. Արմեն Ռուստամյան

ԱԺ ՀՅԴ խմբակցության ղեկավար Արմեն Ռուստամյանը նախքան ֆրակցիայի անունից ելույթ ունենալն անդրադարձավ ՀՅԴ-ական պատգամավոր Աղվան Վարդանյանի ելույթին:

Հիշեցնենք՝ վերջինս հայտարարել էր, որ չի մասնակցելու վարչապետի ընտրությանը:

«Որոշակի թյուրիմացություններից խուսափելու համար, ես ստիպված եմ անդրադառնալ Աղվան Վարդանյանի հայտարարությանը, որն իր իսկ խմբակցության համար անակնկալ էր:

Մենք իհարկե հարգում ենք պատգամավորի սահմանադրական իրավունքը, որ նա կարող է քվեարկել իր խղճով և համոզմունքով, բայց սա Դաշնակցություն է և ունի իր ավանդույթները, նրա կատարած արարքն այդ ավանույթներին դեմ էր, և մենք անպայման այդ պահվածքին համապատասխան գնահատական կտանք, իսկ ՀՅԴ-ի դիրքորոշումը նույնն է և անփոփոխ: Մենք որոշել ենք և այսօր քվեարկելու ենք հօգուտ Նիկոլ Փաշինյանի»,- ասաց Ռուստամյանը::