«Ելք»-ի պատգամավորը հանդես եկավ ելույթով` ի պաշտպանություն «Սորոս»-ի

ԱԺ-ում հայտարարությունների ժամ է: Առաջինը ելույթ ունեցավ «Ելք» խմբակցության պատգամավոր Արտակ Զեյնալյանը: Նա հանդես եկավ ի պաշտպանություն «Սորոս» հիմնադրամի՝ գովեստի խոսքեր հնչեցնելով դրա հասցեին:

Նշենք, որ «Սորոս» հիմնադրամը ՀՀԿ-ական պատգամավոր Բաբուխանյանն իր ելույթում «չարիք» էր որակել եւ պահանջել արգելել դրա ազգակործան գործունեությունը:

Ըստ Զեյնալյանի` գրանտակեր լինելու համար փաստ է պետք դրամաշնորհի ստանալու և չափի մասին: «Եկեք տեսնենք` ՀՀ-ում ամենաշատ գրանտ ով է ստացել, եթե ոչ` Հայաստանի կառավարությունը: ՀԿ-ներին անվանակոչել գրանտակեր, երբ դու ՀՀ-ն ես ներկայացնում ու ամենաշատն ես ստացել, կարծում եմ` ազնիվ ու արդար չէ»,- հայտարարեց պատգամավորը: