Դաշնակցությունը քո ելույթով չի ստեղծվել, որպեսզի քո ելույթով էլ վերանա. Իսակ Յունանեսյանը՝ Արման Եղոյանին

Արման Եղոյան,

Այն, որ խորհրդարանի պատահականորեն հայտնված մի պատգամավոր, ինչպիսին դու ես, խոսում է Դաշնակցությունը հայ քաղաքական մտքից «արմատախիլ անելու» մասին, ավելի շատ ոչ թե քաղաքական ուժի, այլ պատմության և հայ ժողովրդի առջև պատասխանատվության ենթարկվելու մտահոգության ու վախի արտահայտություն է։

Դաշնակցությունը քո ելույթով չի ստեղծվել, որպեսզի քո ելույթով էլ վերանա։ 

Դա մի պատմություն է, որը հնարավոր չէ ջնջել կամ վերաշարադրել ո՛չ մեկ պատգամավորի խոսքերով, ո՛չ էլ որևէ կառավարության որոշմամբ։

Նախքան որևէ քաղաքական ուժ «արմատախիլ անելու» մասին խոսելը, ավելի լավ է մի փոքր պատմություն կարդաս և ուսումնասիրես այն առաջնորդների ճակատագիրը, որոնք կարծում էին, թե իրենց քաղաքական իշխանությունը հավերժ է՝ Քադաֆիից և Սադամից մինչև Բեն Ալի։

Քաղաքական իշխանությունը հավերժ չէ, և պաշտոնն էլ հավիտենական չէ։ Այն, ինչ մնում է, պատմության դատաստանն են։

Պատմությունը դատելու է մեզանից յուրաքանչյուրին։ Գուցե մեզանից ոմանց անունները մնան պատմության էջերում, իսկ ոմանց անուններն էլ արագ մոռացվեն։ Չկասկածես, որ դու և քեզ նմանները պատկանում եք երկրորդ խմբին։ Որովհետև դուք առաջնորդներ չեք։ Դուք պարզապես մատիտների դեր եք կատարում՝ մի քանի անգամ սրվելուց հետո մաշվում, ավարտվում և նետվում եք աղբարկղը։

                                                                                                                                                                                                                                                                                                                   Իսակ Յունանեսյան,

                                                                                                                                                                                                                                                                  Կովկասի և Թուրքիայի հարցերով փորձագետ