Սերժ Սարգսյանը ելույթով հանդես կգա ԵԽԽՎ ձմեռային նստաշրջանում

Հաջորդ տարվա հունվարի 22-26-ը կայանալիք ԵԽԽՎ ձմեռային նստաշրջանում ելույթով հանդես կգա ՀՀ նախագահ Սերժ Սարգսյանը. Այդ մասին տեղեկանում ենք Եվրոպայի խորհրդի խորհրդարանական վեհաժողովի պաշտոնական կայքից:

Ստրասբուրգում կայանալիք վեհաժողովը կընտրի նոր նախագահ, մարդու իրավունքների հարցերով նոր հանձնակատար և Մարդու իրավունքների եվրոպական դատարանի նոր դատավոր Իսպանիայից։

Նստաշրջանը կբացեն Դանիայի թագուհին, Դանիայի ԱԳ նախարարը, ապա ելույթով հանդես կգան Հայաստանի նախագահը, Դանիայի գահաժառանգ արքայադուստրը, Դանիայի վարչապետը և Ավստրիայի նախագահը:

Օրակարգային թեմաներն են Մոնիտորինգի հանձնաժողովի զեկույցը Բոսնիա եւ Հերցեգովինայի շուրջ, Էստոնիայի, Հունաստանի, Հունգարիայի, Իռլանդիայի շուրջ պարբերական զեկույցները, Ուկրաինայի պատերազմի հումանիտար հետևանքներն ու տարածաշրջանային ու փոքրամասնությունների լեզուների պաշտպանությունը։