Արցախում վիրավորված զինծառայողների առողջական վիճակը շարունակում է մնալ նույնը

Երեկ ադրբեջանական զինուժի արկակոծության արդյունքում տարբեր աստիճանի բեկորային վիրավորումներ ստացած զինծառայողների վիճակը շարունակում է մնալ նույնը. նրանցից մեկի վիճակը գնահատվում է ծայրահեղ ծանր: Այս մասին Yerkir.am-ին հայտնեցին Ստեփանակերտի զինվորական հոսպիտալից:

«Ոչ մի փոփոխություն չկա, զինծառայողների վիճակը շարունակում է նույնը մնալ»,- ասացին մեզ:

Հիշեցնենք, որ  երեկ ադրբեջանական զինուժի արկակոծության հետևանքով տարբեր աստիճանի բեկորային վիրավորումներ էին ստացել ՊԲ զինծառայողներ Ռոբերտ Նովրուզի Գասպարյանը (ծնվ. 1969թ.), Համբարձում Կարապետի Հարությունյանը (ծնվ. 1997թ.) և Վահե Գագիկի Բադալյանը (ծնվ. 1998թ.): 

Զինծառայողներից մեկը վիրավորում է ստացել գլխի շրջանում: Տղային շտապ վիրահատել են:  Բժիշկները նրա առողջական վիճակը գնահատում են ծանր: