Հաղթանակի եւ խաղաղության տոնը՝ Արագածոտնում

Հաղթանակի եւ խաղաղության տոնը հանդիասավոր կեպով նշեցին Արագածոտնի մարզի բոլոր համայնքներում: Հայրենական մեծ պատերազմում, Արցախյան ազատամարտում եւ հայրենիքի սահմանների պաշտպանության համար զոհված բոլոր մարտիկների հիշատակը հավերժացնող հուշակոթողների, հուշարձանների մոտ տեղի ունեցան մեծարման հանդիսություններ, տոնական միջոցառումներ:

Գլխավոր տոնակատարությունը կայացավ մայիսի 9-ին՝ մարզկենտրոն Աշտարակում:

Հանդիսությունը սկսվեց վաղ առավոտյան: Մարզի ղեկավարությունը, Հայրենական եւ Արցախյան պատերազմների վետերանները, հյուրերը, հանրությունը այցելեցին Կոմիտասի անվան զբոսայգի:

Ծաղկեպսակներ տեղադրվեցին Հայրենական, Արցախյան պատերազմների զոհվածների հիշատակը հավերժացնող հուշակոթողի մոտ: Հնչեցին շնորհավորանքի խոսքեր, կատարվեցին հայրենասիրական երգեր ու պարեր:

Այնուհետեւ, ավանդույթի համաձայն, միջացառման մասնակիցներն այցելեցին քաղաքի գերեզմանատանը գտնվող զոհված ազատամարտիկների պանթեոն: Հոգեւոր դասի կողմից կատարվեց հոգեհանգստի արարողություն:

Ներկաները խնկարկեցին զոհվածների շիրիմների մոտ, զետեղեցին ծաղկեպսակներ:

ՀՀ Արագածոտնի մարզպետարանի տեղեկատվության եւ հասարակայնության հետ կապերի բաժին