Ի պատասխան բանավեճի մասին հարցերի` Տարոն Մարգարյանը լրագրողների արմատներով հետաքրքրվեց

Այսօր Ծիծեռնակաբերդի հուշամանալիրի մոտ լրագրողները փորձեցին մի քանի` նախընտրական բնույթի հարցեր ուղղել Երևանի գործող քաղաքապետ, Երևանի ավագանու ընտրություններում ՀՀԿ ցուցակը գլխավորող Տարոն Մարգարյանին, սակայն նա ոչ բոլոր հարցերին  պատասխանեց` պատճառաբանելով, որ այսօր դրա ո'չ տեղն է, ո'չ օրը:

Մասնավորապես` հարցին, թե, ի վերջո,  իր մրցակից Նիկոլ Փաշինյանի  հետ բանավեճ կունենա՞, Տարոն Մարգարյանը պատասխանեց. «Դուք եթե մասնակցեք իմ նախընտրական քարոզարշավին, կիմանաք բոլոր հարցերի պատասխանները»:

Լրագրողները ընդդիմացան` ասելով, որ նախընտրական շրջանում նորմալ է նման հարցեր ուղղելը: Նա նույնպես ընդդիմացավ` լրագրողից հարցնելով. «Որտեղի՞ց եք արմատներով, եթե Արևմտյան Հայաստանից լինեին քո արմատները, նման հարցեր չէիր տա»:

Մեկ այլ լրագրողի նույնպես հարցրեց, թե որտեղից է արմատներով, երբ լրագրողը պատասխանեց` Արցախից, Տարոն Մարգարյանն արձագանքեց. «Այ դու պետք է խելացի լինեիր և նման հարցեր չտայիր այսօր»: