Լավրովը հույսեր է կապում Թրամփի հետ

ՌԴ ԱԳՆ ղեկավար Սերգեյ Լավրովը հայտարարել է, որ հույս ունի, թե ԱՄՆ նորընտիր նախագահ Դոնալդ Թրամփի օրոք ռուս-ամերիկյան հարաբերությունները կկարգավորվեն: Այդ մասին նա ասել է իտալական Corriere della Sera-ին տված հարցազրույցում. հայտնում է Газета.ру-ն:

Նա նշել է, որ Մոսկվան հույս ունի, որ ԱՄՆ նոր վարչակազմը չի կրկնի նախորդ վարչակազմի սխալները, որոնք նպատակաուղղված կերպով վնասեցին ռուս-ամերիկյան հարաբերություններին:

Լավրովն ընդգծել է, որ ՌԴ իշխանությունները դրական են ընդունել Թրամփի` երկու երկրների միջև փոխգործակցությունը զարգացնելու տրամադրվածությունը: Միևնույն ժամանակ ասել է, որ ԱՄՆ-ի հետ համագործակցության վերականգնումը բարդ գործ է: