Lifenews-ը ներկայացրել է ադրբեջանական իշխանությունների խայտառակ դեմքը

Ռուսական Lifenews-ը ռեպորտաժ է հրապարակել, որում ներկայացնում է ադրբեջանական իշխանությունների խայտառակ դեմքը:

Պարբերականի լրագրողները պատմում են՝ ինչպես են նրանց երկու օրվա ընթացքում ամենուր ուղեկցել ոստիկանները և գրաքննել իրենց նյութերը: Թղթակիցը նշում է, որ Ադրբեջանը չի ցանկանում հրապարակել շփման գծում վերջին օրերին տիրող իրականությունը, հավանաբար` բնակչությանը չվախեցնելու համար, չէ՞ որ խոսքը գնում է բազմաթիվ զոհերի, վիրավորների, ավերածությունների մասին:

Lifenews-ի թղթակիցը նշում է, որ ադրբեջանական կողմը իրենց բազմիցս խնդրել է ռեպորտաժում նշել, որ հայերն են առաջինը կրակ բացել, ինչը լրագրողները հրաժարվել են անել:

Թղթակիցը նաև մեկ ուշագրավ փաստի մասին է խոսում` իր հրետանին Ադրբեջանի ԶՈՒ-ն տեղակայել է բնակավայրերից ոչ հեռու, այդ պատճառով է հայկական կողմը պատասխան հարված տվել այդ ուղղությամբ: