Թուրքիայում հայկական հերթական եկեղեցին են պղծել

Թուրքիայում գանձ որոնողները պղծել են 1800-ական թվականներին Երզնկայում կառուցված Սուրբ Աստվածածին հայկական եկեղեցին:

Ինչպես տեղեկացնում է «Ակօս»-ը՝ գանձ գտնելու նպատակող փորված փոսերի հետևանքով եկեղեցին ավերակի է վերածվել:

Այդ խնդրի մասին բարձրաձայնած Դեմիրքոյի բնակիչ Թոլգա Գյուրունը հայտնել է, որ բախտի քմահաճույթին թողնված հայկական եկեղեցու պահպանման համար միջոցներ չեն ձերնարկվել, և տեղի ոստիկանությունը եկեղեցու դռանը կողպեք է կախել:

Նրա խոսքով՝  եկեղեցու սրբապատկերները գողացվել են դեռ  5 տարի առաջ, ինչից հետո եկեղեցին իր ուշադրության կենտրոնում է հայտնվել։

Երզնկայի նահանգապետարանը եկեղեցու վերականգման համար հանձնարարական է տվել, սակայն նահանգապետի փոփոխությունից հետո այն վերակառուցելու համար ոչ մի քայլ չի արվել։

Հայկական եկեղեցու երկրորդ հարկում փլուզում է տեղի ունեցել, սակայն լուրջ խնդիրների մասին խոսք չկա: Եկեղեցին մի շարք նորոգումներից հետո կվերականգնի իր նախկին տեսքը: