Սերգեյ Միքայելյանը 29-րդն էր Սկանդինավիայի գավաթի խաղարկության դասական մրցավազքում

Դահուկավազքի Հայաստանի հավաքականի անդամներն ավարտեցին ելույթները Սկանդինավիայի գավաթի խաղարկությունում:

Հավաքականի անդամ և առաջատար Սերգեյ Միքայելյանը 15 կմ դասական ոճում զբաղեցրեց 29-րդ հորիզոնականը` 203 մասնակիցների շարքում, իսկ մրցումային 3-րդ օրը չմշկային ոճում զբաղեցրեց 45-րդ տեղը: Հավաքականի մյուս անդամներից Միքայել Միքայելյանին հաջողվեց բարելավել վարկանիշային միավորները, իսկ հավաքականի միակ կին անդամը՝ Մարիամ Միքայելյանը, դասական ձևում վերջին տեղում էր:

«Միքայելը պատանի է և բավականին խոստումնալից: Այս մրցաշարում մրցակցությունը շատ մեծ էր, և իրենց գրանցած արդյունքով` հավաքականի անդամներն ավելի բարձր վարկանիշային միավորներ ձեռք բերեցին»,-ՀԱՕԿ լրատվականի հետ զրույցում ասել է Հայաստանի դահուկավազքի ֆեդերացիայի գլխավոր քարտուղար Գագիկ Սարգսյանը:

Հավաքականը վերադարձել է Հայաստան: