Պուտինը քննադատել է ԱՄՆ-ին

ՌԴ նախագահ Վլադիմիր Պուտինը քննադատել է ԱՄՆ-ի դիրքորոշումը Սիրիայի հարցում. հայտնում է РИА Новости-ն:

«Կարծում եմ, որ այդ դիրքորոշումը կառուցողական չէ, և տվյալ դեպքում ամերիկյան դիրքերի թույլ լինելու հիմքում այդ հարցում օրակարգի բացակայությունն է: Երևում է՝ պարզապես չգիտեն, թե ինչի մասին խոսել»,- ասել է նա:

Պուտինն ընդգծել է, թե չի հասկանում՝ ինչու է ԱՄՆ-ը քննադատում Ռուսաստանին Սիրիայում ռազմական գործողության համար, եթե հրաժարվում է այնպիսի կարևոր հարցում երկխոսելուց, ինչպիսին քաղաքական կարգավորումն է։

Հիշեցնենք, որ ԱՄՆ իշխանությունները հրաժարվել են ընդունել ՌԴ վարչապետ Դմիտրի Մեդվեդևի գլխավորած պատվիրակությանը` Սիրիայում իրավիճակի քննարկման համար: