Հունաստանը ԵՄ-ից 53 մլրդ եվրո է խնդրել

Հունաստանը միջազգային վարկատուների հետ համաձայնության գալու նոր առաջարկի շրջանակներում ԵՄ-ից 53,5 մլրդ եվրո է խնդրել՝ 3 տարվա ընթացքում: Գումարն անհրաժեշտ է վարկատուների առջև ստանձնած պարտավորությունները մարելու համար. հայտնում է Лента.ру-ն: 

Հունաստանն առաջարկել է մինչեւ 2016-ը պահպանել կղզիների արժեքի վրա ավելացված արտոնյալ հարկը: Բացառություն կկազմեն առավել հարուստ և զբոսաշրջիկների շրջանում հայտնի կղզիները: Նախկինում Հունաստանը պնդում էր, որ արտոնյալ հարկը պահպանվի բոլոր կղզիների համար:

Բացի այդ` Աթենքը մտադիր է մինչև 2020-ը պահպանել առավել աղքատ թոշակառուների լրացուցիչ թոշակները:

Հունաստանի կառավարությունը նաև պատրաստ է չեղյալ համարել գյուղատնտեսության ոլորտում  մի շարք արտոնություններ և բարձրացնել առեւտրային հարկը 26 տոկոսից մինչև 28: