ԵՄ-ն եւ ԱՄՀ-ն Հունաստանին 3,2 մլրդ եվրո են հատկացրել

Արժույթի միջազգային հիմնադրամը հայտարարել է, որ Հունաստանին տնտեսական օգնություն ցուցաբերելու նպատակով տրամադրվել է 3,2 մլրդ եվրո. տեղեկացնում է Reuters-ը:

Գումարը կհատկացվի արտակարգ օգնության փաթեթի շրջանակներում, որը համատեղ տրամադրում են ԱՄՀ-ն եւ Եվրամիությունը: Վերջերս ԱՄՀ նախագահ դարձած Քրիսթին Լագարդը ընդգծել է ֆինանսական օգնության մեծ նշանակությունը:

ԱՄՀ գնահատականներով` Հունաստանը «որոշակի առաջընթաց» է գրանցել բարեփոխումների իրականացման ոլորտում: Հույս կա, որ 2012-ի առաջին կեսին այդ երկիրն արդեն տնտեսության բնականոն զարգացման ուղին կբռնի:

Հունաստանին պարտքային ծանրագույն ճգնաժամից դուրս բերելու համար նախատեսված արտակարգ օգնության ընդհանուր գումարը 110 մլրդ եվրո է: