Արմեն Գեւորգյանը հրաժարական տվեց

Կառավարության նիստում վարչապետ Հովիկ Աբրահամյանը հայտարարեց տարածքային կառավարման նախարար, փոխվարչապետ Արմեն Գեւորգյանի հրաժարականի մասին:

Վարչապետը մասնավորապես ասաց, որ Գեւորգյանն ազատման դիմում է գրել եւ ցանկանում է աշխատել մասնավոր սեկտորում: Նա շնորհակալություն հայտնեց նախարարին այս տարիների համատեղ աշխատանքի համար:

Արմեն Գևորգյանն, իր հերթին, բոլորին շնորհակալություն հայտնեց համատեղ աշխատանքի համար: «Շնորհակալություն այս տարիների աշխատանքն ինձ վստահելու համար: Մեծ բավարարվածության զգացումով եմ հեռանում: Շարունակելու եմ իմ գիտելիքները և ունակությունները ծառայեցնել մեր ընդհանուր գործին»,- ասաց նա: