Վաղը կհրապարակվի Մատաղիսի գործով որոշումը

Վաղը ՀՀ քրեական գործերով վերաքննիչ դատարանը վաղը` մարտի 26-ին կհրապարակի Մատաղիսի գորոծով որոշումը: Հիշեցնենք, որ առաջին ատյանի դատարանը վճռել էր արդարացրել Ռազմիկ Սարգսյանին, Արայիկ Զալյանին և Մուսա Սերոբյանին:

Տուժողներից Ռոման Եղիազարյանի իրավահաջորդ Գոհար Մելքոնյանն իր բողոքով խնդրել է վերանայել ՀՀ Շիրակի մարզի ընդհանուր իրավասության դատարանի դատավճիռը եւ կայացնել ճիշտ վճիռ: Իսկ ՀՀ զինվորական կենտրոնական դատախազությունը պահանջում է ամբողջությամբ բեկանել դատարանի վճիռը, կայացնել մեղադրական դատավճիռ եւ Ռազմիկ Սարգսյանին դատապարտել 7, Արայիկ Զալյանին՝ 8, Մուսա Սերոբյանին` 8 տարի ազատազրկմամբ:

Նախորդ դատական նիստի ընթացքում վերաքննիչ բողոքներ են ներկայացրել տուժողի իրավահաջորդ Գոհար Մելքոնյանը եւ մեղադրող դատախազ Անդրանիկ Շահինյանը, իսկ վերաքննիչ բողոքների դեմ առարկություն է ներկայացրել երեք արդարացվածների պաշտպան Հայկ Ալումյանը:

Դատական նիստի ընթացքում մեղադրյալները կներկայացնեն իրենց առարկությունները:

Ռազմիկ Սարգսյանը, Մուսա Սերոբյանը եւ Արայիկ Զալյանը մեղադրվում էին 2003 թ. ծառայության ընթացքում Մատաղիս գյուղի զորամասում ծառայողներ Ռոման Եղիազարյանի եւ Հովսեփ Մկրտումյանի սպանության մեջ: