Երկու պաշտոն, որոնցից կամավոր չեմ հրաժարվի. Սերժ Սարգսյան

Արդեն տեղեկացրել ենք, որ, ի տարբերություն Երեւանի այլ համայնքների բնակիչների հետ հանդիպումների, գործող նախագահ, նախագահի ՀՀԿ-ական թեկնածու Սերժ Սարգսյանին Էրեբունի համայնքում տալիս էին տարաբնույթ հարցեր, բացի Ղարաբաղյան հակամարտության խնդրի կարգավորման եւ Ցեղասպանության 100-րդ տարելիցի վերաբերյալ հարցերից:

Օրինակ` մի կին նախագահի հետ հանդիպման ժամանակ հետաքրքրեց` շարունակելու է մնալ Շախմատի ֆեդերացիայի նախագահ:

«Երկու պաշտոն կա, որից ես կամավոր չեմ հրաժարվելու` մեկը` Շախմատի ֆեդերացիայի նախագահի պաշտոնն է, մյուսը`ԵՊՀ կառավարման խորհրդի նախագահի պաշտոնը: Իսկ եթե ստիպված լինեմ` դե ինչ արած»,- կեսկատակ-կեսլուրջ հայտարարեց նախագահը:

Նա նշեց, որ թեեւ մեր շախմատիստներն էլ են երբեմն սայթաքում, բայց լավ տղաներ են: