''Նանարների'' պատվին

Շատերը երեւի գիտեն, որ Լենինգրադյան եւ Շինարարների փողոցների հատման մասը հաճախ «նանարների» հավաքատեղի է դառնում: Բայց որ փողոցները կվերանվանվեին նրանց անունով, երբեւէ չէինք պատկերացնի: Խնդրեմ` Երեւանի քաղաքապետարանի կամ Աջափնյակի թաղապետարանի տեղադրած ցուցանակը:

Ցուցանակը՝ այսպիսի ձեւակերպմամբ, առկա է արդեն երկար ամիսներ, սակայն Երեւանի քաղաքապետարանի աչքին, հավանաբար, չի երեւացել, կամ էլ, գուցե, իսկապե՞ս փողոցն անվանափոխվել է:

Ի դեպ, Երեւանի քաղաքապետարանից մեզ պատասխանեցին, որ ցուցանակների տեղադրմամբ զբաղվում է ճանապարհային ոստիկանությունը:

Խմբագրենք, փաստորեն, փողոցի «բարոյազրկումը» ոստիկանության ձեռքի գործն է, իսկ քաղաքապետարանի հեչ պետքն էլ չէ, որ ոստիկանությունը մեր մաքուր քաղաքը աղտոտում է բարոյազուրկ ցուցանակներով: Հակառակ պարագայում, քաղաքապետարանից կարող էին ոստիկանությանը ահազանգել անգրագետ ձեւակերպմամբ պաստառի մասին: