Վերին Լարսի անցակետից գյուղմթերքով բեռնված հարյուրավոր մեքենաներ ետ են վերադառնում․ պատգամավորն ահազանգում է

«Հայաստան» խմբակցության պատգամավոր Գառնիկ Դանիելյանն ահազանգում է, նա նաև տեսանյութ է հրապարակել՝ գրելով․

«Մեր տեղեկություններով Վերին Լարսի անցակետից գյուղմթերքով, սալորով, դեղձով, խաղողով բեռնված հարյուրավոր մեքենաներ ետ են վերադառնում: Բեռնափոխադրողներն ահազանգում են, որ իրենց չի տրվում հստակ պատճառաբանություն, խոսվում է բուսասանիտարիայի հետ կապված ինչ-որ խնդիրների մասն:  Այս ամենի հետևանքով հսկայական վնասներ են կրում գյուղացիները, գյուղատնտեսությամբ զբաղվողները:

Նշեմ, որ այլ ապրանքներով բեռնված բեռնատարներ ևս ենթարկվում են մանրակրկիտ զննման, ինչի հետևանքով խոչընդոտվում է վերջիններիս մուտքը Ռուսաստանի Դաշնություն: Մասնավորապես, խնդիրների են բախվում շինանյութ փոխադրող մեքենաները, ինչն աննախադեպ է այս ոլորտի պարագայում: Բազմաթիվ բեռնատարներ անորոշության մեջ դեռևս սպասում են որոշման:

Ինչպես միշտ, պատկան մարմինների կողմից չկա համապատասխան արձագանք, գործողություններ: Ակնհայտ է, որ խնդիրը միայն տնտեսական չէ, ունի քաղաքական ենթատեքստ

Շնորհավոր «Թրամփի ճանապարհ»»,-գրել է պատգամավորը։