ԿԺԴՀ-ն պատրաստվում է պատերազմի

Կորեայի Ժողովրդադեմոկրատական Հանրապետության առաջնորդ Կիմ Չեն Ընը հրաման է արձակել միջուկային զենք փորձարկել. ըստ ИТАР-ТАСС-ի` տեղեկացնում է տեղական թերթերից մեկը` վկայակոչելով անանուն աղբյուրներ:

Թերթի աղբյուրը նաեւ միջուկային փորձարկման հնարավոր ամսաթիվն է ասել ` փետրվարի 16-ը` ԿԺԴՀ նախկին առաջնորդ Կիմ Չեն Իրի ծննդյան օրը, կամ փետրվարի 25-ը, քանի որ այդ օրը տեղի է ունենալու հարավկորեական նորընտիր նախագահ Պակ Կըն Խեի երդման արարողությունը:

Նույն աղբյուրի համաձայն` ԿԺԴՀ առաջնորդը նաեւ հայտարարել է, որ հունվարի 29-ի կեսգիշերից երկրում ռազմական դրություն է հայտարարված, եւ որ բոլոր զինվորական ստորաբաժանումները պետք է պատրաստ լինեն պատերազմի:

Անցյալ կիրակի օրը ԿԺԴՀ ԶԼՄ-ները տեղեկացրել էին, որ Կիմ Չեն Ընը արտակարգ խորհրդակցությունն է անցկացրել երկրի բարձրագույն ռազմական ղեկավարության հետ եւ հրամայել «արդյունավետ պետական միջոցառումներ» իրականացնել` պատասխանելու համար ՄԱԿ-ի պատժամիջոցներին:

ԿԺԴՀ-ն 2006-ին եւ 2009-ին միջուկային փորձարկումներ արդեն իրականացրել է: