Լեռնային Ղարաբաղում նոր պատերազմը աղետ կլինի բոլորի համար

Լեռնային Ղարաբաղում նոր պատերազմը աղետ կլինի բոլորի համար, ովքեր առնչություն ունեն հիմնախնդրին, եւ միակը, ով կշահի այդ իրադրությունից, իր կայսերական նոր գաղափարներն առաջ տանող Ռուսաստանը կլինի. ըստ ադրբեջանական ԱՊԱ գործակալության` կարծիք է հայտնել ԱՄՆ բանակի ցամաքային զորքերի ռազմական քոլեջի ռազմավարական հետազոտությունների ինստիտուտի պրոֆեսոր Ստեֆեն Բլանկը:

Վերլուծաբանը նշել է, որ բանակցային գործընթացի վերջին ձախողումները զարմանալի չեն: «Սակայն, հետեւելով Կովկասում զարգացումներին, կարելի եզրակացնել, որ եթե միջնորդական առաքելությունն առաջընթաց չի գրանցում, ապա բանակցությունների արդյունքը կարող է ավելի անսպասելի լինել»,- ընդգծել է նա: