Կիվին` ամենաօգտակար միրգը

Ճապոնացի գիտնականները համարում են, որ կիվիից օգտակար միրգ չկա: Նրանք ուսումնասիրել են բազմաթիվ մրգեր և եզրակացրել, որ կիվին իր օգտակարությամբ գերազանցում է նարնջին, խնձորին, լիմոնին և այլ մրգերի: Ընդ որում` պարզվում է, որ ամենաօգտակարը դեղին կիվին է, թեեւ մեզ ծանոթ կանաչն էլ պակաս օգտակար չէ:

Գիտնականները մի քանի կամավորների առաջարկել են օրական ուտել երեք կիվի և հետևել են նրանց ինքնազգացողությանը, որը հոյակապ է եղել: Մասնագետները դա բացատրում են կիվիի մեջ պարունակվող մեծ քանակի հակաօքսիդանտներով:

Ի դեպ, կիվին կարող է կանխել այնպիսի մահացու հիվանդություններ, ինչպիսիք են աթերոսկլերոզը, սրտի անբավարարությունը, Ալցհեյմերի հիվանդությունը, քաղցկեղը և Պարկինսոնի հիվանդությունը: