Օստեոպարոզ` միայն գեղեցիկ բառ չէ

Մեկնարկել է Օստեոպարոզի հիմնախնդիրներին նվիրված հինգերորդ տարեկան գիտաժողովը, որին մասնակցել են մեծ թվով բժիշկներ ինչպես Հայաստանից, այնպես էլ արտերկրից.  տեղեկացնում են ՀՀ առողջապահության նախարարությունից:

Միջոցառմանը ներկա են Օստեոպարոզի համաշխարհային ասոցիացիայի նախագահ պրոֆեսոր Ջոն Կանիսը, Ռուսաստանի Դաշնության Օստեոպարոզի ասոցիացիայի նախագահ Օլգա Լեսնյակը, ինչպես նաև հայազգի բժիշկ  Ջոն Բիլեզիկյանը:

«Վերջին հինգ տարիներին պրոֆեսոր Բիլեզիկյանը ջանասիրաբար մասնակցել է հայ բժիշկների համար կազմակերպվող ամենամյա կրթական ծրագրերին և մեր բժիշկներին փոխանցել օստեոպարոզի ախտորոշման և բուժման համաշխարհային փորձը»,- ասել է առողջապահության փոխնախարար Տիգրան Սահակյանը` հավելելով, որ մեր հայրենակիցը մեծ ավանդ ունի նաև ախտորոշիչ դենսիտոմետրիկ սարքավորումների ապահովման հարցում. դրանք հնարավորություն են տալիս մեր բժիշկներին ժամանակին ախտորոշել օստեոպարոզով տառապող բազմաթիվ հիվանդների` հետագայում կազմակերպելով նրանց նպատակային բուժումը: