Սպասում են վարչապետին

Վանաձոր-Բագրատաշեն ճանապարհահատվածում երեկ երեկոյան տեղի ունեցած սողանքի վայրից yerkir.am-ի թղթակիցը հայտնում է, որ այս պահի դրությամբ դեռեւս մաքրման աշխատանքներ են իրականացվում:

Դեպքի վայրում է նաեւ ՀՀ ԱԻ նախարար Արմեն Երիցյանը:

Փրկարարները մեր թղթակցին հայտնել են, որ շոշափելի արդյունքներ դեռ չունեն: Իսկ նախարարը սպասում է վարչապետ Տիգրան Սարգսյանին, ով դեպքի վայր է այցելելու` ծանոթանալու դեպքի մանրամասներին:

Yerkir.am-ին սողանքի վայրի հարակից բնակավայրերի բնակիչները պատմել են, որ 2 օր առաջ ձայներ են լսել: «Հենց սողանքի վայրում 2 օր առաջ մեծ բեռնատար է ընկել ձորը: Այն հանելու պատճառով երկար ժամանակ խցանում է եղել, հավանորեն դա էլ սողանքի առաջացման պատճառ է դարձել»,- ասել են բնակիչները:

Զոհերի մասին դեռ տեղեկություններ չկան: