Պոռնո կայք` հանուն կենդանիների պաշտպանության

Կենդանիների իրավունքների պաշտպանության միջազգային PETA կազմակերպությունը բացում է սեփական պոռնո կայքը:

Կազմակերպության ղեկավարությունը հույս ունի մերկ մարմնի միջոցով մարդկանց ուշադրությունը հրավիրել կենդանիների տանջանքների վրա, որոնց սպանում են մսի, կաշվի կամ մորթու համար:

Սակայն կանանց իրավունքների պաշտպանությամբ զբաղվող մի շարք խմբեր քարոզ են սկսել PETA-ի դեմ ` կազմակերպությանը մեղադրելով կեղծավորության եւ սեռի տարբերակումը մարկետինգի ռազմավարության մեջ օգտագործելու մեջ:

PETA-ի ղեկավարները նշում են, որ peta.xxx կայքում կօգտագործվեն կազմակերպության ֆոտո- եւ վիդեոարխիվների նյութերը` հայտնի մարդկանց մերկ նկարներով: Իրենց նկարները կտրամադրեն նաեւ սեքս-մոդելները, որոնք կիսում են կազմակերպության գաղափարները, այդ թվում` Պամելա Անդերսոնը, Դիտա ֆոն Թիզը, Ջեննա Ջեյմսոնը եւ այլք: