Չեն խանդում

«Ժառանգություն»-ը ՀԱԿ-ի եւ իշխանության երկխոսությանը բացարձակապես չի խանդում. այսօր լրագրողների հետ հանդիպման ժամանակ եւս մեկ անգամ կրկնեց կուսակցության խորհրդարանական խմբակցության ղեկավար Ստյոպա Սաֆարյանը:

«Ինչպե ՞ս կարելի է խանդել կամ ողջունել մի երկխոսություն, որի ընթացքում խոսվելու է այն մասին, թե ինչպես են բաժանելու տեղերը  պառլամենտում»,- ասաց նա` ավելացնելով, թե` ինչի մասին ուզում են երկխոսեն, միայն չդիպչեն ազգային արժեքներին:

Ստյոպա Սաֆարյանի համոզմամբ` Հայաստանում կան «Ժառանգության» բազմաթիվ «մասնագետներ», ովքեր պնդում են, թե կուսակցությունը հաջորդ ընտրություններին չի լինի` «Ժառանգությունը» պրծավ», բայց դա պարզապես նրանց ցանկությունն է: