Հիշում են ընկերները

Արցախյան ազատամարտը շատ հերոսներ տվեց: Նրանցից էր Թաթուլ Կրպեյանը:

Երևանի պետական համալսարանի պատմության ֆակուլտետի դեկան Էդիկ Մինասյանը, դասախոս Ռուզաննա Կրպեյանը և Թաթուլի մարտական ընկեր Վարդան Քիշմիրյանն այսօր մամուլի ասուլիսում խոսեցին 1991թ. ապրիլի 30-ին նահատակված ազգային հերոսի մասին:

Ահա մի դրվագ. պաշտպանելով Գետաշենը` Թաթուլը պաշտպանում էր ամբողջ հայրենիքը: Երբ Գետաշենում բանակցություններ էին ընթանում տեղի բնակչության տեղահանության մասին` Թաթուլը խորհրդային բանակի սպայից խլեց նռնակը, կանգնեց տանկին ու սպառնաց պայթեցնել, եթե խորհրդային զինվորները չհեռանան:

Դրանից հետո տեղի ունեցավ առաջին զինված բախումը խորհրդային բանակի և ադրբեջանական օմոնի հետ:

Ըստ բանախոսների` Թաթուլ Կրպեյանը և նրա մարտական ընկերները նախակարապետը դարձան մյուս հերոսների, ովքեր ազատագրեցին Շուշին ու շարունակեցին պայքարը հանուն Արցախի ժողովրդի անկախության: