ԱՄՆ-ին մտահոգում են Ադրբեջանի ղեկավարության գործողությունները

Այսօր Ադրբեջանում ԱՄՆ դեսպանությունը հաղորդագրություն է տարածել, որում մտահոգություն է հայտնել Բաքվում ապրիլի 2–ին ընդդիմադիրների` խաղաղ բողոքի ցույց անցկացնելու փորձերը կանխելու ուղղությամբ Ադրբեջանի կառավարության ձեռնարկած գործողությունների, նաեւ ընդդիմության ներկայացուցիչներին ձերբակալելու կապակցությամբ։

Ադրբեջանի իշխանություններին կոչ է արվում հարգել երկրի Սահմանադրությունը, հավաքների և խոսքի ազատությունը, նաեւ ձերբակալված ընդդիմադիրների համար կազմակերպել բաց ու թափանցիկ դատական լսումներ. տեղեկացնում են ադրբեջանական ԶԼՄ-ները։

Ադրբեջանի ոստիկանության տվյալներով՝ ապրիլի 2-ի ցույցի ժամանակ 75 մարդ է ձերբակալվել, մինչդեռ ընդդիմության ղեկավարները պնդում են, որ ձերբակալվածների թիվը հասնում է 200-ի: