Կանխարգելել անկանոն միգրացիան

Հայաստանից անկանոն միգրացիայի երեւույթի ուսումնասիրությունն ու դրա կանխարգելման միջոցառումները տարածքային կառավարման նախարարության՝ 2011 թվականի գերակա խնդիրներից են:

Նախարարի առաջին տեղակալ Վաչե Տերտերյանի խոսքով՝ անկանոն միգրացիան ծնող պատճառները շատ են: Դրա կանխարգելման նպատակով որոշակի գումար կհատկացվի մի շարք մարզերի, հատկապես՝ գյուղական համայնքներին` լուծելու որոշակի խնդիրներ, ինչը կհանգեցնի սոցիալական վիճակի բարելավմանը:

«Կառավարության բոլոր քայլերը, վերջին հաշվով, ուղղված են այդ խնդրի լուծմանը,- նշեց Տերտերյանը:- Այլ խնդիր է, որ մենք պետք է շեշտադրումները դնենք հիմնականում սահմանամերձ, հեռավոր եւ բարձրլեռնային գյուղերի վրա, որտեղ արտագաղթի խնդիրն ավելի սուր է դրված»: