Ծրագրերը իրականցվել են ամբողջությամբ

«Առաջին հերթին մենք կարողացանք ավարտել կառուցվածքային բարեփոխումները, կարողացանք հստակեցնել նախարարության քաղաքականության մշակող, իրականցնող եւ վերահսկող գործառույթները, ով ինչ գործով պետք է զբաղվի»,- այսօր 2010 թվականը ամփոփեց ՀՀ տրանսպորտի եւ կապի նախարար Մանուկ Վարդանյանը:

Փոփոխություններ են կատարվել քաղաքացիական ծառայության 129 պաշտոնների անվանացանկում եւ նախարարության աշխատանքային ու առանձնացված ստորաբաժանումների կառուցվածքներում:

Նախարարության աշխատակազմում նոր ստորաբաժանումներ են ստեղծվել` փոստի եւ ճանապարհաշինական վարչություններ եւ ներքին աուդիտի բաժին եւ լիցենզավորման գործակալություն:

ՀՀ տրանսպորտի տեսչության կառուցվածքում նույնպես փոփոխություններ են արվել, որի արդյունքում 19 հաստիք է կրճատվել:

Այս տարի ստեղծվել են «Հյուսիս-Հարավ ճանապարհային միջանցքի ներդրումային ծրագրի իրականցման կազմակերպություն» եւ «Տրանսպորտային փոխադրումներ» պետական ոչ առեւտրային կազմակերպությունները:  Նախարարությանն է վերապահվել «Հայփոստ» ՓԲԸ-ի ՀՀ բաժնետոմսերի կառավարման լիազորությունը:

2010-ին պետական բյուջեից նախարարությանը հատկացվել էր մոտ 37 միլիոն դրամ` 13 ծրագրի իրականցման համար: Նախատեսված աշխատանքները հիմնականում ամբողջապես իրականացվել են: