Ծեծկռտուք հիվանդանոցում

Շաբաթ օրը Քաշաթաղի շրջանի սոցապահովության կենտրոնի տնօրեն Նորայր Աստվածատրյանը իր մի քանի «ընկեր-բարեկամների» հետ հայհոյանքներով հարձակվել է վերջերս Քարվաճառում գլխավոր բժիշկ նշանակված Հայկ Պետրոսյանի և մանկաբույժ Ստեփան Սարգսյանի վրա:

Նորայր Աստվածատրյանը փորձել է դույլով հարվածել Հայկ Պետրոսյանի գլխին: Սակայն «հարվածն իր վրա է վերցրել» հիվանդանոցի աշխատակից Գոհար Վիրաբյանը: Հիվնադանոցի բակում շուրջ կես ժամ հայհոյանքներից հետո՝ Նորայր Աստվածատրյանն իր թիմի հետ հեռացել է:

Այս մասին տեղեկանում ենք քաղաքագետ Ալեքսանդր Քանանյանի բլոգում արված գրառումներից: Վերջինս նաեւ գրում է, որ Նորայր Աստվածատրյանի մայրը զանգահարել է մանկաբույժ Ստեփան Սարգսյանին` խոստանալով «լուծել» վերջինիս հարցերը:

Նշենք, որ ԼՂՀ ոստիկանությունն արդեն սկսել է գործի քննությունը: Հարուցվել է քրեական գործ: