Վրաստանում Հոնկոնգի վիրուսն առաջատար է

Վրաստանում լաբորատոր հաստատված դեպքերի 70 տոկոսը գրիպի վիրուսներ են, և այս 70%-ում առաջատարը H3N2-ն է, այսպես կոչված՝ Հոնկոնգի վիրուսը, հայտնել է Իաշվիլիի անվան մանկական կենտրոնական հիվանդանոցի բժշկական տնօրեն, պրոֆեսոր Իվանե Չխաիձեն։

Նրա խոսքով՝ «ամբուլատոր և ստացիոնար հաստատություններում հիվանդությունները դեռևս չեն հասել ամենաբարձր ցուցանիշներին»։

«Երկրում շարունակվում է գրիպի վիրուսի գերիշխանությունը, նաև գրիպի վիրուսի համեմատաբար նոր ձևի՝ H3N2 տիպի վիրուսի գերիշխանությունը։ Լաբորատոր հաստատված դեպքերի 70%-ը գրիպի վիրուսներ են, և այդ 70%-ում առաջատարը H3N2 տիպի վիրուսն է, այսպես կոչված՝ Հոնկոնգի վիրուսը։

Դեռ վաղ է ասել, որ երկրում գրիպի տարածման գագաթնակետն է։ Եթե համեմատենք անցյալ տարվա հետ, ապա վարակի մակարդակը ավելի բարձր չէ. անցյալ տարի փետրվարին վարակի մակարդակն ավելի բարձր էր, քան հիմա, սակայն երկրում շարունակվում է գրիպի վարակի բարձր մակարդակը պահպանվել, հիմնականում H3N2 տիպի վիրուսի», — նշել է Չխաիձեն։