Լիտվայի երկնքում խոցված ԱԹՍ-ն ռուսական էր. նախագահ

Լիտվայի նախագահ Գիտանաս Նաուսեդան հայտարարել է, որ սեպտեմբերի 15-ին երկրի օդային տարածքում ՆԱՏՕ-ի կործանիչի կողմից խոցված անօդաչու թռչող սարքը ռուսական էր։

Ինչպես հաղորդում է BBC-ի ռուսական ծառայությունը, Նաուսեդան նշել է, որ ԱԹՍ-ն հազիվ թե ուղղված լիներ Լիտվայի դեմ։

«Այն, հավանաբար, ուղղված էր Ուկրաինային, բայց շեղվել է ուղղությունից ուկրաինական ռադիոտեղորոշման պայքարի միջոցների ազդեցության պատճառով», – պարզաբանել է Լիտվայի նախագահը։

Սեպտեմբերի 15-ին Լիտվայի տարածքում ԱԹՍ էր խոցվել Շյաուլյայի ավիաբազայից օդ բարձրացած իտալական կործանիչների կողմից: Սա առաջին դեպքն է, երբ ՆԱՏՕ-ի ինքնաթիռները երկրի օդային տարածքում ԱԹՍ են խոցել։