ՀՀ-ն՝ նոր Ուկրաինա և թուրքական աշխարհի մաս․ Եվրոպայի ծրագիրը՝ երևանյան գագաթնաժողովին

Հասարակական-քաղաքական գործիչ Նաիրի Հոխիկյանը գրում է. «ԵՄ ղեկավարների երևանյան հավաքն ընդհանրապես կապ չուներ Հայաստանի հաջողության հետ, այլ դա.

1. Թուրքիայի և Ադրբեջանի լիակատար հաղթանակն էր Հայաստանի նկատմամբ։

2. Եվրոպայի խոստովանությունը, որ ինքն է ակտիվ մասնակցել Արցախի բռնազավթման ու հայաթափման պլանավորմանն ու իրականացմանը։

3. Եվրոպայի ծրագիրն էր Հայաստանը հակառուսական թատերաբեմ սարքելու, նոր Ուկրաինա դարձնելու և թուրքական աշխարհի մեջ ներքաշելու համար։

Հայ ժողովուրդը որևէ կապ չունի մայիսի 2-5-ը Հայաստանում տեղի ունեցած եվրոպական հավաքների հետ, չի կիսում Եվրոպայի քայքայիչ նպատակները։

Եթե Եվրոպան կողմ է տարածաշրջանային անվտանգությանն ու համագործակցությանը' ողջունելով Ադրբեջանի հետ թվացյալ խաղաղությունը, ապա ինչո՞ւ է Հայաստանը ներքաշում Ռուսաստանի դեմ հակամարտության մեջ։

Եվրոպան երեսպաշտ ու թշնամական ծրագրեր է անում Հայաստանի նկատմամբ և խորապես թքած ունի հայ ժողովրդի անվտանգության վրա։ Իսկ հայ ժողովուրդը չի ուզում Ադրբեջանի հետ հաշտության դիմաց թշնամանալ Ռուսաստանի հետ»։