Լիդյա Մանթաշյանը կշարունակի մնալ կալանքի տակ

Երևան քաղաքի ընդհանուր իրավասության քրեական դատարանում, դատավոր Կարեն Ֆարխոյանի նախագահությամբ ընթացող Բագրատ Սրբազանի և 17 արդարների գործով դատական նիստին դատախազը միջնորդեց ևս 3 ամսով երկարաձգել մեղադրյալ Լիդյա Մանթաշյանի կալանքի ժամկետը։

«Հիմք ընդունել այն հանգամանքը, որ  շարունակում են առկա լինել հանցանք կատարելու, վարույթի քննությանը խոչընդոտելու, ապացուցողական  գործընթացին միջամտելու հավանականությունը»,- ասաց դատախազը։

Հիշեցնենք, որ Լիդյա Մանթաշյանը կալանավորվել է հունիսի 26-ին, իսկ օգոստոսի 20-ին նրա կալանքի ժամկետը երկարաձգվել էր երեք ամսով։

Նա միակ կին քաղբանտարկյալն է, որը անազատության մեջ է գտնվում արդեն 5 ամիս: