«Նիկոլ իջի՛ր պատասխան տուր հպարտ քաղաքացիներին, ինչի՞ եք փախել»․ Սոնա Աղեկյան

Վարդաշենի հանրակացարանների բնակիչները կրկին բողոքի ակցիա են իրականացնում Կառավարության շենքի դիմաց։ Պահանջում են, որ իրենց խնդիրը օր առաջ լուծվի․«Այլևս անհնար է այդ փլատակների մեջ ապրելը»,- ասում են նրանք։

Հիշեցնենք՝ այդ շենքերը ճանաչվել են 4-րդ կարգի վթարային։ Բնակիչները մի քանի անգամ բողոքի ակցիաներ են իրականացրել քաղաքապետարանի և Կառավարության շենքերի մոտ՝ պահանջելով իրենց ապահովել բնակարաններով։ Նրանք այսօր պարզել են, որ հերթական անգամ խաբվել են, իրենց շենքերը գերակա շահ ճանաչելու մասին որոշում չի կայացվել։ Պահանջում են վարչապետի հետ հանդիպում։

Ի դեպ,  վարդաշենցիներին լսելու, նրանց խնդրին ծանոթանալու համար  կառավարությանմոտ էին եկել նաև «Մայր Հայաստան» դաշինքի անդամ Սոնա Աղեկյանն ու Երևանի ավագանու «Մայր Հայաստան» խմբակցության անդամները։