ՌԴ Դաշնային խորհրդի ղեկավարը ծաղիկներ է խոնարհել Երևանի Հաղթանակ զբոսայգու Անմար կրակի մոտ

Ռուսաստանի Դաշնային խորհրդի նախագահ Վալենտինա Մատվիենկոյի գլխավորած պատվիրակությունը այցելել է Երևանի Հաղթանակի զբոսայգի, որտեղ ծաղկեպսակ և ծաղիկներ է դրել Անմար կրակի մոտ՝ հարգանքի տուրք մատուցելով Հայրենական մեծ պատերազմում զոհվածների հիշատակին:

ՌԴ Դաշնային խորհրդի նախագահը Երևան է ժամանել նախօրեին: Օդանավակայանում նրան դիմավորել է ՀՀ ԱԺ նախագահ Ալեն Սիմոնյանը:

Այցի շրջանակներում տեղի կունենան Մատվիենկոյի և Սիմոնյանի բանակցությունները: Նրանք կբացեն Ռուսաստանի խորհրդարանի և ՀՀ Ազգային ժողովի համագործակցության միջխորհրդարանական հանձնաժողովի 39-րդ նիստը, որի խորագիրն է «Մեծ հաղթանակի 80-ամյակը. միասնություն պատմական հիշողության պաշտպանության գործում ապագա սերունդների համար»:

Դաշնային խորհրդի նախագահը կմասնակցի Ռուս-հայկական 10-րդ միջտարածաշրջանային համաժողովին։