Ուկրաինան հետ է կանչել Վրաստանի և Ղրղզստանի դեսպաններին` այդ երկրների «անբարոյական դիրքորոշման» պատճառով

Ուկրաինայի նախագահ Վլադիմիր Զելենսկին հայտարարել է Ղրղզստանից և Վրաստանից Ուկրաինայի դեսպաններին խորհրդակցությունների համար հետ կանչելու մասին։

«Մեր դիվանագետները հենց հիմա իրականացնում են կարևոր և միանգամայն անհրաժեշտ որոշումներ այն պետությունների վերաբերյալ, որոնք փոխել են իրենց խոսքը և միջազգային իրավունքը», - ասել է Զելենսկին երեքշաբթի կեսօրին տեսաուղերձում։

Նա ասել է, որ Կիևն անմիջապես հետ է կանչում դեսպանին Ղրղզստանից՝ Ուկրաինայում ռուսական օպերացիային Բիշքեկի աջակցության համար։

Նաև, Զելենսկիի խոսքով, Ուկրաինան անմիջապես հետ է կանչում դեսպանին Վրաստանից՝ «մեզ օգնել ցանկացող կամավորների համար խոչընդոտներ ստեղծելու, պատժամիջոցների հետ կապված անբարոյական դիրքորոշման համար»։