Թուրքիան փոխհատուցում է վճարել Հրանտ Դինքի սպանության համար

Թուրքական պետական խորհուրդը (Danıştay-բարձրագույն վարչական դատարան) հաստատել է Ստամբուլի 6-րդ վարչական դատարանի որոշումը «Ակօս» թերթի գլխավոր խմբագիր Հրանտ Դինքի ընտանիքին 1,5 մլն լիրա (մոտ 167 հազար դոլար) փոխհատուցում վճարելու վերաբերյալ. հայտնում է Evrensel թերթը:

Ըստ տեղեկությունների՝ Պետական խորհուրդը մերժել է Թուրքիայի ներքին գործերի նախարարության բողոքարկումը և հաստատել Դինքի ընտանիքին փոխհատուցում տալու պահանջը. Դինքի ընտանիքը հայտարարել էր, որ ներքին գործերի նախարարությունը սխալներ է թույլ տվել և պատասխանատու է լրագրողի սպանության հետաքննության համար:

Հիշեցնենք, որ Հրանտ Դինքը սպանվել էր Ստամբուլում՝ «Ակօս» թերթի խմբագրատան դիմաց, թուրք երիտասարդ ազգայնական Օգյուն Սամասթի կողմից: